『醫師，我想改善自己D經痛!』『咁上個月幾時第一天黎月經?』『我唔記得喎!』『點痛法?脹痛?痠痛?刺痛?』『咩黎ga?』『咁月經量多唔多?』『我又無留意喎!』『咁有無血塊?』『血塊?』注：以上對話如有雷同，不屬巧合 通常我們都會建議女生都留意下自己的月經的『經』、『色』、『量』及『帶』 ------------------------------------- 有女生會問其實留意好自己月經週期規律有咩作用呢 ? 如果我話可以方便你遇時間買機票去旅行，你會唔會立即去記錄返呢!! 其實我地未必好關心病人去旅行方便與否。之不過，我地中醫經常關心月經週期的主要原因，係因為我地可以從月經的『經』、『色』、『量』及周邊的症狀，去了解病人的當下身體情況。 例如『經』早咗黎，我地考慮會唔會『血熱』。遲咗黎，會唔會有機會『懷孕』；『色』今次月經黎顏色會唔會特別深色，亦有無血塊，去考慮會唔係因為『瘀血』；『量』月經平時準時，但突然之間好少近乎無，我地又要去考慮『懷孕』的可能，又或者比平時出血量多好多，出血天數好多日，我地又要擔心會唔會崩漏；『帶』係女生陰道內流出的一種粘稠液體以乳白色或無色透明，略帶腥味或者無味為正常。如出現顏色、質地、嗅味不同，亦代表身體有不同程度的病情。 以上我地都可以簡單地介紹月經期間得到的資料如何協助我地去分析病情，了解體質強弱等等。當中仍然可以包含好多唔同ge 可能性，在這裡我地不在這裡一一探討。 一般而言，正常月經以約28天為一個週期，3-7天乾淨，血量大約30-80ml。 『調經』往往係治療眾多婦科病的第一步。痛經要調經、不孕也要調經、更年期月經紊亂亦要調經。仲有月經黎ge時候出現的不同症狀，第一步始終離不開調經。所以認清自己的月經週期規律就至關重要。然而，記錄自己的資料更有助協助到你的家庭中醫師進行治療。只要每月做多少少，就可以讓醫師了解多D 自己身體。 如有任何疑問，可以聯絡你的家庭中醫師。 [...]

講到叫『月經』，當然應該是每個月來一次才稱得上月經。但原來有D情況唔黎其實係正常，例如：懷孕準媽媽、授乳中的媽媽，呢。所以病人黎到診所我地都會詳細詢問她們『最後一次月經幾時黎?!』、『上次月經黎血量多唔多、顔色有無異常、有無血塊或者有無其他身體部位唔舒服..等等?!』。目的是為左了解病人o既身體情況，究竟係因為生理性停經，抑或是病理性停經，好等我地中醫掌握病情然後準確用藥。 坊間有好多古老道聽途說的說法講煲咩湯可以黎經，有D老人家話八珍湯、又有D話燉隻雞，食下雪蛤膏等。有陣時有Ｄ病人黎到診所，第一句就問我地煲D 咩湯可以黎返月經。首先，我地一般都唔會建議病人胡亂煲湯，因為煲錯湯不但浪費心力，而且影響自己體質就得不償失；其次，調經還是以內科藥或者針灸配合治療較為合適。 中醫理解月經不來病因大致主要有以下分類： 氣血虛弱通常血虛o既人都會出現面黃黃，面青青，成日見暈，脈又沉又無力，每次月經越黎越少。氣滯血瘀一般氣滯o既人都會有以脹為主的表現，包括腹脹、而伴有乳脹、胃脹等等，氣行不暢血瘀內停而終導致月經不來。寒凝血瘀寒凝，或者我概括D講『寒底』可能大家會較容易理解，普遍手腳冰冷，腹冷宮寒，而使血寒凝滯導致月經不來。肝腎不足一些勞累過度，或先天不足，又或者腎氣未盛，精氣未充，中醫觀點上有個叫『天癸』的東西不能應時泌至，使衝脈不盛，任脈不通，終致月經不來。痰濕阻滯普遍體型較胖o既人，所謂『肥人多痰濕』，正因如此中醫觀點上多考慮痰濕內盛的體質。女性變肥發脹其實原因有好多種，所以機理亦可以好覆雜，否則纖體中心都唔會通街都有的。有些人因為愛吃零食小吃，有些人因為長期服用荷爾蒙等西藥，亦有些人因為缺乏運動.......等等。中醫睇法是當痰濕內聚，阻滯衝任，胞脈閉而月經不來。 以下分享一個閉經治療病例:已婚女性 27歲婚後2年一直未能懷孕，心情低落。1年前月經未行，以為懷孕，但及後測HCG(-)，家人以為她體質血虛導致月經未能按時到來，故自行煲服烏雞八珍湯服用，但月經一直未有到來。半年前前來就診，近半年來頭暈目眩，心情郁悶，飯後噯氣胃脹難消，眠差，脈微而尺沉澀。檢查內分泌檢查發現催乳素高於正常值後，及後再排除垂體及甲狀線問題，西醫再三叮囑患者不能再中藥，但患者仍然想繼續以中藥調經。中醫看法此屬肝郁脾虛的閉經。 一診藥柴胡 麥芽 川芎 白芍 陳皮 制香附 知母 黃柏 熟地 山茱萸 山藥 澤瀉 茯苓 牡丹皮 炙甘草5劑二診月經仍未行，頭暈減，噯氣矢氣增，大便不爽感改善，仍然眠差易醒，心情情緒反覆。藥柴胡 麥芽 川芎 白芍 陳皮 制香附 知母 熟地黃 白朮 澤瀉 茯苓 牡丹皮 生薑 鬱金 [...]

暗瘡，俗稱青春痘，顧名思義好發於青春期的年輕人。中醫稱為粉刺，古代都形容得幾入肉︰「色赤腫痛，破出白粉汁」--聽到也舒壓。相當於現代醫學的痤瘡。 暗瘡成因與男性賀爾蒙、皮脂分泌增多、毛囊皮脂腺導管異常角化、瘡丙酸杆菌增殖及遺傳有關。另外，飲食、精神因素及月經周期等亦可誘發本病。中醫角度，暗瘡成因有肺經蘊熱、過食辛辣肥甘，濕熱瘀痰凝滯肌膚而發。 簡單地講，壓力大、睡眠少、飲食不節、月經不調就是暗瘡既助攻者，不希望暗瘡陰魂不散，便要主動攻擊，處理好以上暗瘡間接成因。 其中月經不調有關的暗瘡問題，中醫亦有另一套處理方法，認為成因與腎陰不足(虛火)、熱毒、衝任失調或血瘀血熱(相火妄動)有關。調好月經，釜底抽薪下暗瘡亦會改善。 暗瘡、暗瘡、暗瘡……被困擾中的你會好討厭此二字，但擠暗瘡時卻又治癒非常。而隨年月流逝，暗瘡悄悄的走了，閣下是否值得高興？不﹗暗瘡叫青春痘乃名不虛傳，若非因為身體轉佳而暗瘡不再的原因，可能是閣下的皮膚高峰狀態已過。 所以嘛，偶然有不同病患的患者經中醫治療後，出了三四粒暗瘡，不要驚、不要亂和不要放棄治療，即使前路有多迷惘，即管與主診中醫溝通。若果只是因為身體轉好，皮膚轉佳而皮脂腺一時間未調整好而生暗瘡的話，有關暗瘡始終會有散去的一天。 所以我對暗瘡又愛又恨，因為年輕人怕生暗瘡，但青春漸逝時，暗瘡的偶然出現證明身子還有「火」，反映身子還不錯。 [...]